Orio

Liburu eta jostailu truke azoka gaur Herriko Plazan

Liburu eta jostailu treuke azoka ospatuko da gaur, Herrio Natur Taldeak, Orioko Herri Ikastolarekin eta Zaragueta Herri Eskolarekin elkarlanean antolatuta. Azoka goizeko 10:30etik 14:00etara izango da, Herriko Plazan. Azaroaren 19an eta atzoko egunean bildutakoarekin egingo da azoka.

Egun hauetan azaldu ezin izan duen jendeak, gaur bertan etxetik eramandako jostailuak, azokan jarritakoekin trukatu ahal izango dituzte. Hori bai, etxeetan erabiltzen edo behar ez dituzuen liburu zein jostailuak eskatzen dira, horiei guztiei erabilpen berri bat emateko aukerarekin. Euskara, elkartrukea eta berrerabilpena sustatzea da helburu eta gehiegizko kontsumoaz ardura hartzea», azaltzen dute antolatzaileek.

Gaur arratsaldeko 18:15ean Preferente mailako Oriokok jokatuko du Danenaren aurka Mendibeltz zelaian. Zizurkilgo taldeak beti zailtasunak jartzen ditu eta gaur ez da gutxiago izango, baina sailkapenaren goikaldean jarraitu ahal izateko, Oriokok hiru puntuen beharra du. Ea zaletuen laguntzarekin garaipena etxean geratzen den.

Aurretik, 16:00etan, Erregionaleko taldeak jokatu du Mendibeltzen Ostadar B-ren aurka. Lehen talde jubenilak Usurbilen du norgehiagoka.