Orio

Martxan da 'Arnasetik' bideo sormen lehiaketa gazteentzat

UEMAk (Udalerri Euskaldunen Mankomunitateak), Nafarroako Gobernuak eta Eusko Jaurlaritzak elkarrekin deituta, abian jarri berri da urteroko 'Arnasetik' izeneko bideo-sormen lehiaketa, euskararen arnasguneak osatzen dituzten udalerrietako gazteei zuzendua (LH5etik DBH4ra). Ekimenak gogoeta piztu nahi du udalerri euskaldunetako gazteen hiz-kuntza-ohituren inguruan, tek-nologia berriak erabiltzeko daukaten ohitura eta erraztasuna baliatuz. Aktore-lanak edo bideo-grabazioa eta edizioa gustatzen zaien gazteak ditu helburu lehiaketak. Banaka aurkeztu daitezke lanak, edo taldeka, edo ikastetxearen izenean. Gehienez, 2 minutuko bideo laburrak dira egin beharrekoak. Urriaren 31 izango da lanak aurkezteko azken eguna eta Udalak herriko gaztetxoak animatu nahi ditu parte hartzera.

Guztira 2.000 euro egongo dira saritan, 4 kategoriatan banatuta. Kategoria bakoitzak 500 euro balio duen saria izango du. LH 5-6 kategoriako lanik onena; DBH 1-2 kategoriako lanik onena; DBH 3-4 kategoriako lanik onena eta, publikoaren saria (500 euroko saria). 500 euro balio duen sari bakoitza IrisarriLand-en, Durangoko Azokan edo EITB-ko Goazen! eta Irabazi arte! telesailen merchandising-ean tru-katu ahal izango da.