Orio

Orio Arraunketa Elkarteak, hamabost domina

Guztira 15 domina eskuratu zituen igandean Bidasoako uretan Orio Arraunketa Elkarteak aulki mugikorreko Gipuzkoako txapelketan. Horietatik 6 urre, beste 6 zilar eta 3 brontze. Urreak, kadete mutilen skull laukoak; kadete mutilen skiff-bakarkakoak (Aimar Ikatzeta); infantil nesken skull

laukoak; jubenil mutilen skull bikoak (Unai Torres eta Hodei Gonzalez Espinosa); eta, Zortzikoan, jubenil mutilek baita seniorrek ere. Seniorren ontzian Mikel Lizarralde, Oian Gozategi, Jon Lizarralde, Martín González, Beñat Egiazu, Leandro Salvagno, Martxel Aldai eta Imanol Garmendiak egin zuten arraunean, Vicky Piñeiro lemazain zutelarik. Argazkietan, jubenilen eta seniorren zortziko txapeldunak, igandeko estropadan zehar.