Orio

Orioko, beste hiru punturen bila

Preferente mailako Oriokok, gaur 17:00etan, Mendibeltz zelaian, Astigarragako Mundarro taldearen bisita jasoko du. Joseba Agirreren taldea oso bolada onean dago, azken sei partidetatik bost irabazi ditu eta bestea berdindu eta bolada honi jarraipena ematen saiatuko dira gaur arratsaldean jokoan jartzen diren hiru puntuak bereganatuz. Ez da neurketa erraza izango, baina zaleen laguntzarekin, ea beste garaipen bat lortzen duten sailkapeneko goikaldean jarraitzeko.

Eguneko egitaraua goizeko 9:00etan zabalduko da ohorezko kadete mailako Orioko-Hondarribia neurketarekin, eta ondoren, 11:30ean, F-8ko infantil neskak, Orioko-Martutene.

Bihar, igandean, partida bakarra Orion, 17:00etan, infantil txiki mailako Orioko-Usurbil.

Oriokoren beste talde guztiek kanpoan jokatuko dute, besteak beste, Erregionalek gaur arratsaldean Astigarragan eta, ohorezko jubenilek Deban Amaikak Bat arerio, baita ere arratsaldean.