Salto! gazteentzako topaketa, UEMAk antolatuta

Udalerri euskaldunetako gazteentzako topaketa antolatu du UEMAk aurten ere eta dagoeneko zabalik dago izena emateko epea. Salto! topaketa ekainaren 28tik uztailaren 4ra izango da, 15-18 urte arteko gazteei zuzenduta dago, eta, aurreko edizioetan bezala, ibiltaria izango da: Zumaiatik Lekeitiorako bidea egingo dute gazteek.

Iaz bertan behera geratu zen topaketa, pandemiagatik, eta aurten gogo biziz bultzatu nahi du UEMAk; hori bai, beharrezko osasun-neurri guztiak zainduta.

Izena emateko epea aste honetan zabaldu du UEMAk, eta martxoaren 31 arte izango da zabalik. Online egin daiteke, telefonoz (943 81 66 99) edo posta elektronikoz datuak bidalita (hezkuntza@uema.eus). Interesa duzuenontzat, matrikularen prezioa 89 eurokoa da.

Herri euskaldunetako gazteak euskararen inguruan sentsibilizatzea, kontzientziatzea eta eragile aktibo bihurtzea da topaketen helburua.