Orio

San Nikolas jaiak azken bi egunetan sartzen dira, badago oraindik disfrutzeko

San Nikolas jaiak aurrera darraite, baina oraindik azken bi egunak geratzen dira disfrutatzeko. Honela, gaur, abenduak 7, San Nikolas bigarren honetan, goizeko 11:00etan herri kirolak izango dira haurrentzat plazan, Zaragueta Herri Eskolak antolatuta.

Ondoren, 11:30tan, pintxo dastaketa, Orioko Herri Ikastolako ikasleek antolatuta. Eguerdiko 12:00etan, herri kirol jaialdia, emakumezko kintopekoen harrijasotze txapelketa eta lehian, Goizeder Abendibar, Naroa Arruti, Olaia Esnaola, Maddi Guesalaga eta Udane Ostolaza.

Jarraian, 14:30etan herri bazkaria, Karelan, 400 herritar bilduko direlarik, txartel guztiak berehala agortu zirelarik. Izena eman duten arduradunek 10:00etan egon behar dute kiroldegian, muntaiarekin laguntzeko.

Bazkal ostean, 18:00etan, kalejira Pello eta Nikolasa erraldoiekin, buruhandiekin eta Danbolin musika eskolako trikitilari eta pandero jotzaileekin; 19:00etan, Joselontxos txaranga abiatuko da, kalez kale. Eta eguneko egitaraurekin amaitzeko, gaueko 23.00etatik aurrera, erromeria, plazan, Gozategi taldearekin.

Festetako azken eguna, bihar, goizeko 06:00etan zabalduko da, gaupaseroen argazkiarekin.