Orio

Xabat Elortza, Euskadiko txapeldun berria

Orioko atletismo taldeko zenbait korrikalari pasa den asteburuan Ordizian jokatu zen Euskadiko txapelketan hartu zuten parte, emaitza bikainak lortuz. Kamel Ziani eta Aitor Rubio buru direla, egiten ari diren lanaren seinale.

Hala, 23 urtez azpiko kategorian, Xabat Elortza Euskadiko txapeldun berria dugu; absolutuan, aldiz, Ibai Makazaga 5. sailkatu zen. Neskak bigarren postuan sailkatu ziren taldeka: Djiara Nadao, Elaia Lasarte, Julene Iturrioz eta Xare Elortza.

Eta ezin ahaztu ere, Martin Iriondoren marka zoragarria 3.000 metrotan South Carolinako Gamecock Opener txapelketan, 8:26:84 denborarekin, bigarren sailkatu zelarik, irabazlearengandik bi ehunenekoetara.