Garbigunean berrerabilpen gunea zabaldu da

San Markos Mankomunitateak Usurbilgo Garbiguneko berrerabilpen gunea zabaldu du, koronabirusak eragindako osasun egoerak hobera egin ostean. Zerbitzu honen kudeaketa aztertu eta aldaketaren bat izango dela igorri dute.

Oraingoz, aldaketa handiena gauzak hartzeko egunetan izango da. Lehen, edozein egunetan egin zitezkeen, baina horrek jende pilaketak eta langileek beharrezko arreta emateak oztopatzen zuen. Honela, moldaketa batzuk egin dituzte San Markos Komunitatetik egoera hauek saiheste aldera bere irekiera berriarekin.

Garbigunean objektuak uzteko ohiko ordutegian egin ahal izango da, astelehenetik ostiralera goizeko 10:15etik 12:50era eta arratsaldeko 16:00etatik 18:50era; larunbatetan, aldiz, goizeko 9:00etatik 12:50era. Jasotzeko edo dauden gauzak ikusteko bakarrik ostiraletan egingo da, esan bezala goizez 10:15etik 12:50era eta arratsaldez 16:00etatik 18:50era. Gainerako egunetan itxita egongo da.