Ingemarreko presa botako dute, udan, Oriaren ibilgua lehengoratzeko

El Diario Vasco

USURBIL.

Miércoles, 20 de julio 2022, 00:05

Comenta

Ingemarreko presa txikia eraisteko lanak egingo dituzte udan, Oriaren ibilgua lehengoratuz. Kantabrikoko Konfederazio Hidrografikoak jakinarazi duenez, presak ez du oztopatzen Oria ibaiaren jarioa, baina baldintzatu egiten du: urteak direnez Ingemarren jarduera amaitu zenetik, eraistea erabaki dute, ibaiaren ibilgua lehengoratzeko helburuarekin. Aurreikuspenen arabera, bi hilabete beharko dituzte lanak egiteko: uztailetik aurrera egingo dituzte, baina ez modu jarraian, eguraldiaren eta Oriaren beraren emariaren arabera baizik.

Ingemarrek errioko ura baliatzeko eraiki zuten presa txikia, bere garaian. Orain, presa erabiltzeko esleipen-epea gaindituta, eta Ingemarren jarduera behin betiko etenda, azpiegitura eraistea erabaki du Konfederazioak. Azaldu dutenez, uraren emaria etengabekoa da eta presak ez du jauzirik eragiten, baina ingurua baldintzatzen du: errekarriak pilatu, landaredia hazi eta zaborra pilatzen da inguruan. Beraz, lanak bukatutakoan, jatorrizko egoerara itzularaziko dute ibaiaren ibilgua.