Usurbil

Otxoa, Iriondo eta Urkola izango dira EAJ-PNVren zinegotziak eta PSE-EEtik berriz, Romero

Agurtzane Solaberrieta izango da Usurbilgo alkatea legealdi berrian. EH Bilduk igandean izandako udal hauteskundeetan 9 ordezkari lortu zituen, 1.771 boto jaso eta gero. Aurreko legealdian baino bat gehiago eta gehiengo osoa, beraz. Bigarren indar bozkatuena EAJ-PNV alderdia izan da, baina ordezkari bat galduta, hirurekin geratuko baita 757 boto eskuratu eta gero. PSE-EEk zinegotzi bakarra izaten jarraituko du 236 bozka jasota, eta PP ez da Udalean sartuko 56 boto.

EH Bildutik, Solaberrietarekin batera udal taldea Ainhoa Arrozpide, Oskar Santamaria, Jon Mikel Azpiazu, Xabat Beloki, Iratxe Begiristain, Xabier Aranburu, Joxe Mari Lizaso eta Maialen Iñarrak osatuko du udalbatza berria. EAJ-PNVtik Xabi Otxoa, Ivan Iriondo eta Josune Urkola. PSE-EEtik berriz, Petro Romero zinegotzia izango da. Igandeko udal hauteskudeetan 2.957 lagunek eman zuten bozka guztira. Boto zuriak 93 (%3,19) eta baliogabeak berriz, 44 (%1,49). Aipatzekoa da abstentzioa %39,48koa izan zela, 1.929 lagunek ez baitzuten botorik eman.