Usurbil

Santa Isabel egun handia Usurbilen jaiak agurtzeko

Atzoko Santa Isabel eguneko ospakizunekin eman zaie amaiera aurtengo festei Usurbilen. Ostegunetik asteartera bitartean, makina bat ekintza izan dira herrian jaiez gozatu ahal izateko eta eguraldiak asko lagundu ez duen arren, oro har, giro ederra izan da egunero. Atzokoan, txistularien dianaren ostean, sokadatzaren txanda izan zen Joxe Martin Sagardia plazan. Jendetza bildu zen bertan, eta gero lore eta salda banaketa izan zuten horren ordainetan. Musika, pilota, erraldoi eta buruhandiak eta paella txapelketa izan ziren, besteak beste, jaien azken eguneko osagaiak.