Usurbil

Udal brigadako operarioenlan poltsa berria osatzekodeialdia egin du Udalak

Usurbilgo Udalak brigadako operarioen lan poltsa berria osatzeko deialdia egin du. Aditzera eman duenez. abuztuaren 1era arte izango da eskabideak aurkezteko epea. Oposaketa irekiaren bidez, hutsuneak bitarteko funtzionarioz hornitzea da deialdiaren helburua.

Eskabideak aurkezteko epea amaitutakoan, onartuen eta baztertuen behin-behineko zerrendak onartuko ditu udalak, eta hiru egun balioduneko epea izango da erreklamazioak aurkezteko. Behin-behineko zerrendarekin batera, azterketa egiteko eguna, ordua eta tokia jakinaraziko dituzte. Azterketen fasea bakarra izango da, praktikoa, nahitaezkoa eta bazter-tzailea: gainditu dutenen zerrenda iragarki-taulan eta udalaren webgunean argitaratuko dira.

Lan poltsak bi atal izango dituela diote udaletxetik, A eta B. A atalean hizkuntza eskakizuna akreditatu dutenak egongo dira, proban lortutako puntuazioaren araberako hurrenkerarekin; B atalean, hizkuntza eskakizuna akreditatu ez dutenak egongo dira, horiek ere lotutako puntuazioaren araberako hurrenkerarekin. Bertan parte hartu ahal izateko eskabideak eta oinarriak udalaren webgunean bertan deskarga daitezke.