Zarautz

Aurtengo Txakoli Eguna datorren azaroaren 3an izango da

Zarauzko Turismo departamentuak eta Getariako Txakolina Jatorrizko Deitura bulegoak antolatuta, Zurekin Zarauzko Ostalarien Elkartearen laguntzarekin, datorren azaroaren 3an, igandean, Txakolin Eguna ospatuko da Zarautzen. Aurtengo edizioa 'Txermenduaren Jaia' izango da eta; izenak azaltzen duen moduan, azarotik aurrera egiten den inausketan mahatsondoari kentzen zaio zatiari egingo zaio erreferentzia egun honetan.

Egitarau borobila antolatu da, denen gozagarri, txakolinaren eta txermenduaren bueltan. 11:30ean emango zaio hasiera jardunaldiari Lege Zaharren enparantzatik txistulariekin aterako den kalejirarekin. Ordu berean, 'Txermenduaren esperientzia' izeneko tailerra izango da haurrentzat; ondoren Jalgi dantza taldea, Arrain Zopa abesbatza eta Andoni Egaña eta Sebastian Lizaso bertsotan; 12:30ean hasiko da dastaketa 15 upategien parte hartzearekin.