Zarautz

Enbatako bi traineruak ondo Sestaoko jaitsieran igande honetan

Julian Enrikeren Oroimenezko XVI. Traineru Jaitsiera lehiatu zen igandean Sestaoko uretan eta Zarautz Arraun Elkarteko bi traineruak bertan izan ziren, mutilena eta neskena. Aurreko asteburuan gizonezkoen traineruak oso postu ona lortu zuen Portugaleten eta berriro lan ona egin zuten. 25 ontzi ziren lehian eta zarauztarrak bederatzigarren amaitu zuten, joan den astean aurretik izan zuten Pedreñari aurrea hartuz. Eusko Label Ligako ontziekin borrokan ikusteak pozik uzten ditu zaleak eta datorren asteburuan Orion zuzenean gure arraunlariak ikusteko aukera izango dute. Neskak ere Orion izango dira baina aurretik Sestaon egon ziren eta laugarren postuan amaitzea lortu. Zortzi traineru izan ziren uretan eta lehen saioa izateko oso maila onean ibili ziren neskak ere.