Zarautz

Maila handia gizonezko jubenilen arteko eskubaloi txapelketak

Gaur eguerdian hirugarren eta azken jardunaldiarekin amaitzen da ostiraletik Aritzbatalde kiroldegian jokatzen ari den gizonezko jubenil mailako Euskadiko eskubaloi txapelketa. Aurreko bi egun hauetan ikusi ahal izan dugu, lehian diren lau taldeek maila handia dutela. Ostiraleko lehen jardunaldian Barakaldo 22-21 nagusitu zen Zumaiako Pulporen aurka eta bigarren neurketan, Bidasoak sekulako maila erakutsi zuen etxeko taldearen aurka, 26-41.

Ikusi behar nola bukatzen den txapelketa. Zentzu horretan, gaur goizeko bi neurketak azken sailkapena erabakiko dute. 10:30etan Bidasoak eta Pulpok jokatuko dute eta eguerdiko 12:30etan hasita, Gran Camping Zarautz eta Barakaldok neurtuko dituzte indarrak.

Aipatzekoa ere, Aritzbatalden sekulako jendetza dabilela, lau taldeetako zaletuekin.