Zarautz

«Nahiz eta gurpil-aulkian izan, kirola egiten jarraitzen dut»

Leire Troitiño (Zarautz, 48 urte) betidanik izan da kirolaria, baina orain dela 17 urte laneko istripu bat izan zuen eta geroztik gurpil-aulkia behar du, batipat distantzia luzeetarako. Min handiak jasaten ditu ezkerreko belaunean, baina hala ere, kirola egiten jarraitzen du, Donostiako Kemen taldearen laguntzari esker. Iaz, bere aulkiarekin Behobiako lasterketa irabazi zuen eta Berlineko maratoian ere parte hartu zuen. Larunbatetik aurrera pilota txapelketan hartuko du parte. «Oso joku ikusgarria da, bikoteka, nik aurrean jolasten dut. Trinketean ere jokatzen dut Iparraldean eta aurten, besteak beste, Madrileko maratoia egiteko asmoa dut».