Zarautz

Sagardo berria dastatzeko aukera izango da bihar Lege Zaharren enparantzan

Zurekin elkarteak antolatuta, bihar eguerdian Sagardo Egunaren beste edizioa bat burutuko da Zarautzen, 12:00etatik aurrera Lege Zaharren enparantzan.

Eguna ekitaldi ugarik beteko dute, hauen artean, musika, bertsoak Motxian bertso eskolaren eskutik, txistulariak Goizeko Ihintza elkartearekin eta familia txokoa. Gerturatzen direnk 12 euroko txotx batekin, sagardo berriaren dastaketa, txuleta pintxoa eta kopa bat eskuratuko dituzte, bederatzi sagardogilek eskaintzen duten sagardoa dastatzeko aukerarekin.

Dastaketa aurretik, azken urte honetan erretiratu diren Iñigo Intxauspe eta Helena Pedrosa ostalariae (Alai zeramatenak) omenaldia jasoko dute Zurekin elkartearen eskutik.

Biharkoan parte hartuko duten sagardogileak ondorengoak dira, bakoitza 72 boteilarekin: Aburuza (Aduna), Altuna (Urnieta), Ekain (Zestoa), Izeta (Aia), Lizeaga eta Petritegi (Astigarraga), OrdoZelai (Oiartzun), Satxota (Aia) eta Urdaira (Usurbil).