Zarautz

Senior mailako final erdiak erabaki ditu hondartzako futbol txapelketak

80. Hondartzako futbol txapelketak ezagutzen ditu dagoeneko senior mailako final erdietan zein taldek jokatuko duten, Ligan eta Kopan, bai nesken artean eta baita mutilenean ere.

Igande goizean jokatu ziren gizonezkoen final laurdenak. Eguraldiak laguntzen zuen eta baita orduak ere, goizeko 11:25ean hasten ziren norgehiagokak eta horrek jende asko erakarri zuen hondartza eta malekoira.

Ikusmin handia eta asko jokoan. Neguko hilabeteetan lehian ibili ondoren, igande goizean jokatzen zuten talde guztien artean, erdiak agur esango zioten lehiari eta noski, inork ez du txapelketa une hauetan utzi nahi.

Partida oso borrokatuak izan ziren, hondarra ere nahiko aproposa zen futbolean jokatzeko eta zaleen bultzada ere nabarmena zen zelai askotan. Emaitzak honakoak izan ziren Ligako final laurdenetan eta Kopakoan. Hondartzeko lehen lau zelaietan Ligako kanporaketak jokatzen ziren eta hona hemen zelai bakoitzeko emaitzak: 1.- Celso Castro 3 - Tivoli / Naparrak 0. 2.- Balearri / Astillero 3 - Ulacia Bidaiak 1. 3.- Pukas / Shelter 0 - Asti Pinturak 3. 4.- Telesforo Erretegia 3 - Izar Optika 2.

Kopako kanporaketak emaitza hauek izan zituzten: 5.- Kosta Hortz Klinika 3 - Talai-Mendi Kanpina 0. 6.- Euskalduna Taberna 1 - Latz Taberna 2. 7.- Asergroup 2 - Etxabe Confort 2. 8.- Arrano Taberna 1 - Kirkilla-Enea Jatetxea 2. Zortzi taldek esan zioten beraz agur 80. edizioari eta beste zortzik aurrera egin dute

Hondartzako Futbol Txapelketak datorren apirilak 13an. igandea, jokatuko ditu final erdiak. Senior mailako neska eta mutilen taldeak ez dira bakarrik egongo zeren egun horretan jokatzen dira baita kirol eskolakoak. Jardunaldi hau 11:00etan hasiko da. Finalen eguna maiatzak 10, larunbata, izango da, 09:15ean hasita.