Zarautz

Skapa jaiek jendetza mugitu dute

Bukatu dira aurtengo Skapa jaiak, Santa Klara, Azken Portu eta Aritzbataldeko jaiak. Hiru egunetako egitarau zabala izan dute, partaidetza handiarekin aktibitate eta ekitaldi gehienetan, egunez zehar izandako jolas eta lehiaketek eta zer esan gauean izan diren kontzertuek. Jendetza ibili da egun hauetan guztietan eta horren froga, astelehenko auzo bazkarian eserleku bat libre ere ez, izan ere abuztuaren 5ean salgai jarri eta berehala agortu ziren bazkaritarako txartel guztiak. Bazkaltzeko, Patxi Iruretagoiena lehiaketara aurkeztu ziren marmitakoak dastatu ahal izan zituzten, bazkalondoan, lehiaketak, sari banaketak eta omenaldiak izan zituztelarik.

Antolakuntza taldetik, eskerrak ematen dizkiete jaiak posible egiteko bere laguntza eman duten auzotar guztiei, borondatez laguntza edo dirua eman duten auzotarrei.