Zarautz

Udaberri elkarteko historia ezagutzeko aukera bihar goizean

Bihar, astelehena, martxoak 24an hasita eta ostiralerarte, Udaberri Astea ospatuko du elkarteak, non elkartearen historia ezagutzeko aukeraz gain hainbat jolas eta ekimen desberdin askorekin disfrutatzeko aukera izango da. Bazkide guztiak parte hartzera animatzen dira.

Asteko egitaraua zabaltzeko, bihar goizeko 10:30ean, Mikel Agirre eta Miguel Angel Agotek Udaberri elkartearen historiaren inguruan burutu duten lana aurkeztuko dute. Hilabeteak eman dituzte muxutruk datak eta albisteak biltzen eta osatu duten lana bihar emango dute jakitera. Arratsaldean berriz, 16:00etan seikoetara jolasteko aukera.