Zestoa

Eñaut Elorrieta musikariak kontzertua eskainiko du bihar San Lorenteko baselizan

Eñaut Elorrietak kontzertua eskainiko du bihar, hilak 10ean, San Lorentzo egunean, San Lorenteko baselizan, Ateosteko bira proiektuaren baitan. Zestoako Udalak antolatuta, hitzordua arratsaldeko 18:00etan hasiko da baselizan.

Sarrerak 10 euroren truke daude salgai Zestoako udaletxean (sarrera mugatua). Gaur da txartelak erosteko azken eguna (09:00etatik 13:00etara). Jai giroa nagusi izango da bihar San Lorenten: 11:00etan hildakoen aldeko meza izango da, eta jarraian trikitilariak, txakolina eta pintxoak, bertsolariak eta haurrentzako jolasak izango dira, besteak beste.