Soraluze eta Gabiriako baserritarrak izan dira aurtengo Zoroperiako barazki eta fruta lehiaketako irabazleak

Fruta lehiaketan, Gabiriako Oñatibitxiki baserriko Jose Antonio Elosegirentzat izan zen lehen saria. Bigarren postuan, berriz, Errezilgo Mugarrieta baserriko Andoni Aizpuru sailkatu zen. Berak eraman zuen baita ere Errezil sagar onenaren saria.

Ondoen aurkeztutako postua ere saritu zuten eta Soraluzeko Aritzaga baserriko Ezozi Etxeberriak jaso zuen.

Nekazaritza ekologiari sari berezia eman zitzaion aurtengo ferian. Ibargoia baserriko Jose Lonbiderentzat izan zen. Aramaiokoa.

Zestoako sagardo lehiaketako irabazlea Igartza baserria izan zen, Arroakoa(43 puntu); bigarren saria ere Arroara joan zen Olaberri baserriak jaso zuen hain zuzen ere (40 puntu): Hirugarren lekua. Larratzabal Berri (39 puntu) baserriarentzat izan zen.

Azkenik, ezti lehiaketan, Igor Odriozola zestoarra izan zen lehen sailkatua; Endoiako Mikel Erkiaga, bigarrena, eta hirugarren postua Lasaoko Bixente Ibartzabalentzat izan zen.