Zumaia

'Beldurrak aidean, irrifarra ahoan' izeneko ipuin kontaketa izango da gaur

'Irakurtzen duten zumaiarrak arriskutsuak dira' egitasmoa gaur amaituko da 'Beldurrak aidean, irrifarra ahoan' izeneko ipuin kontalariarekin. Miriam Mendozak gidatuko du saioa eta 5 eta 8 urte bitarteko haurrei zuzenduta egongo da. Ipuin kontaketa arratsaldeko 17:30ean izango da haur liburutegian.

Bestalde, Aste Santuko jaiak direla eta, apirilaren 17tik 21era bitartean kultur etxea itxita egongo dela jakinarazi dute kultura sailetik. Haur liburutegiari dagokionez, ikastetxeetako oporrak kontuan hartuta, honako ordutegia izango du apirilaren 22tik 30era, astelehenetik ostiralera: goizez 11:00etatik 13:00etara eta arratsaldez 16:00etatik 20:00etara.