Zumaia

Txalo Producciones konpainiaren 'Arizona' antzezlana izango da ostiralean

Ostiral honetan, hilak 21, Txalo Producciones konpainiaren 'Arizona' antzezlana izango da. Aitziber Gamendia eta Jon Plazaola aktoreak protagonista dituen antzezlana 20:00etan eskainiko da Aita Mari aretoan.

Sarrerak 8,50 euroan daude salgai www.sarrerakzumaia.eus atarian eta turismo bulegoan (5,95 euroan Gazte Txartelarekin erosita). Pertsona bakoitzak gehienez lau txartel erosi ahal izango ditu. Sarrerarik gelditzen bada, aretoko leihatilan jarriko dira salgai emanaldiaren aurretik.

«Georgek eta Margaretek beren mugak defendatu behar dituzte. Bizilagunak hor daude, zelatan, ahalik eta deskuidurik handienean gurutzatzeko zain. Baina, Margaret galdera gehiegi egiten hasten denean, komedia musikala, bere bizitza zena, tragedia basati bihurtzen da. Arizona ez dago hain urruti. Arizona hemen dago, Ceutan, Melillan, gure hiri bakoitzean, gizaki batek bizitza hobea lortzea eragozteko altxatzen den harresi bakoitzean», aurreratzen du Esteban Roel eta Kepa Errastik zuzendutako lanaren sinopsiak. Juan Carlos Rubioren testuak mugei, migrazioari, giza ergelkeriari eta manipulazioaren mugei buruzko gogoeta egiten du, bizitzaren basamortuan galdutako bi gizakiren arimaren erretratu tragikomikoa izateaz gain.

Argudio sinple batekin, AEBk Mexikorekin duen mugara doazen bi gringo, Arizonako estatuan, bere aberria balizko arrotzengandik defendatzeko eta «mugei buruz hausnartzeko», egileak hutsunezko mundu bat asmatzen du, herrialdeen eta gizakien arteko inkomunikaziozkoa, egunero aduana intelektualekin asmatzen dugun absurduaren frisoa.