Zumaia
Zumaiako Master Series jaialdia, bihartik Aitzurin

Bihar ondoko partidak jokatuko dituzte: Sorozabal-Maialen eta Ihart-Frida, eta Olharan-Lopez eta Urreisti-Manci

S. U.

ZUMAIA.

Sábado, 12 de abril 2025, 20:25

Zumaiako Jai Alai Master Series zesta punta txapelketa jokatuko dute bihartik Aitzuri frontoian. Bertan izango dira Imanol Lopez, Frida Watkins eta Unai Uranga herriko pilotariak.

Jai Alai Leagueko proba puntuagarria izango da eta iaz baino jardunaldi bat gehiago izango du, hiru izango dira guztira. Finalerdiak bihar eta hilaren 21ean jokatuko dituzte, eta final handiak San Telmo egunean, apirilaren 28an. Guztiak 19:00etatik aurrera.

Bihar bi partida hauek jokatuko dituzte: Sorozabal-Maialen eta Ihart-Frida, eta Olharan-Lopez eta Urreisti-Manci. Apirilaren 21ean izango dira bigarren finalerdiak: Elaia-Oaia eta Helena-Maia, eta Barandika-Zabala eta Erkiaga-Uranga. Bikote hau da, hain zuzen, iazko txapelketako irabazlea, eta txapelari eusteko aukera izango dute aurten.

Sarrerak eta jaialdietarako bonoak: eramanjaialai.com/sarrerak-entradas.