Asins-en, Oteizaren eta Palazueloren abstrakzioa, Artiumen

Museoak 'Asins, Oteiza, Palazuelo. Haraindikoari itxura ematea' erakusketa ireki zuen ostiralean eta ikerket modura sortu du

E. A.

Domingo, 30 de marzo 2025, 16:45

Artium Museoak, Euskal Herriko Arte Garaikidearen Museoak, 'Asins, Oteiza, Palazuelo. Haraindikoari itxura ematea' izenburua duen erakusketa ireki berri du iragan ostiralean A0 aparteko espazioan.

Fernando Golvano arte irakasle eta kritikaria da erakusketako komisarioa eta Jorge Oteiza (Orio, Gipuzkoa, 1908 - Donostia, 2003), Pablo Palazuelo (Madril, 1916 - Galapagar, Espainia, 2007) eta Elena Asins (Madril, 1940 - Azpiroz, Nafarroa, 2015) artisten obra du abiapuntu.

Hiru artista aitzindari hauek abstrakzio-printzipioa hautu formal desberdinetatik baina batzuetan konbergenteetatik eztabaidatu zuten, abstrakzio geometrikoaren bidetik ibiliz eta predikatu sinboliko, zehatz, matematiko edo mistikoak aztertuz. Erakusketa dela-eta, museoak eskuliburu bat argitaratu du Golvanoren testu batekin.

Erakusketa azterketa kasu modura aurkeztu dute; Bilduma HAU Colección. Oinarrizko mugimenduak (1950-2000) bildumaren parte. Guztira, Oteizaren sei artelan, Palazueloren hamar eta Asinsen hamahiru obra bildu ditu museoak; denera, 29 artelan jarri ditu ikusgai.

Artista horiek abstrakzio geometrikoaren eta predikatu sinboliko, zehatz, matematiko edo mistikoen bidetik egindako ibilia aztertzen da. XX. mendearen lehen hamarkadetako abangoardia modernoek hizkuntza formal berriak inauguratu zituzten, abstrakzioaren bidean poetika berriak, eta haiei esker inoiz ez bezalako konfigurazio erreal eta imaginarioak sortu ziren. Beste irudi batzuek, geometrikotik, konkretutik eta analitikotik abiatuta, konbentzio figuratibo, informal edo espresionistak zalantzan jarriko zituzten hainbat irudikapen sinboliko, metafisiko, transzendente edo mistiko izendatu zituzten.

Aretoko bitrina batean bildu dituzte hiru artisten artelanak ulertzeko dokumentuak eta argazkiak.