'Zarata do maiorrean biolin eta pianorako', Iban Barrenetxea

Bi urte igaro dira Ikaselkar argitaletxeak lehen irakurleei zuzendutako 'Kimu' bilduma martxan jarri zuenetik. Harrezkero, euskal haur literaturan ezagunak diren idazle eta ilustratzaileen hamaika liburukaleratu dituzte, eta Iban Barrenetxearen 'Zarata do maiorrean biolin eta pianorako' da orain arteko azkena.

Iban Barrenetxeak, hain bereizgarria duen ilustrazio- ... estilo dotorearekin, garai viktoriarrera garamatza eta musika klasikoko saio batera gonbidatzen gaitu. Protagonistak zintzo itxurako bi anai-arreba dira, etxean daude eta batak pianoa jotzen duen bitartean besteak biolina jotzen du. Hasiera batean, bi haurrak sinkronia ezin hobean daudela dirudi, bakoitza bere partituran gogoa bilduta, elkarrekin jotzen ari diren piezaz gozatzen. Harik eta pianistak erritmoa bizkortzea erabakitzen duen arte. Biolinistak, aldiz, nahiago du melodia gozoarekin jarraitu. Anai-arreben arteko desadostasunak eztabaida handia sortzen du, eta bakoitzaren erreakzioak hain dira gehiegizkoak, ezen eztabaida bien arteko jolas bihurtzen baita. Hitzik gabeko album bikaina da hau.