«Gaztetasuna eta freskotasuna» hizpide dituen Jonkass proiektuak eskuratu du II. Paradisu Zinema Beka, EHZ festibalak, Antxeta Irratiak eta Elkar argitaletxeak elkarrekin antolaturiko deialdia Iñigo Muguruza musikaria gogoan izateko. «Ibilbidearen hastapenetan aurkitzen da proiektua, eta gaur egun Euskal Herrian belaunaldi gazteen musika ohiturekin erraz uztartzen dela iruditu zaigu», iritzi du epaimahaiak. Oinarrietan azaldu bezala, irabazleak urte bateko epea izango du proiektua borobildu eta grabatzeko eta 2026. urteko EHZ festibalean gozatu ahal izango da haren lehen kontzertuaz.
Publicidad
Jon Castañeda dago Jonkass proiektuaren atzean, gidoigile, erredaktorea, erreportero, Kafe Antzokiko DJ eta Akerbeltz taldeko abeslaria, besteak beste. Azken hilabeteetan dago Jonkass egitasmoan murgilduta, eta bekari esker, proiektua gauzatu ahal izango du aurten.
Paradisu Zinema beka sustatu duten hiru eragileen iritziz, «garrantzitsua da musika estilo ezberdinek lekua ukaitea euskal musikaren baitan. Euskaldunok, musika estilo orotan ukan dezagun erreferenterik». Era berean, ekimenaren arduradunek eskerrak eman dizkiete beren lanak igorri dituzten 18 taldeei. Gainera, batetik, «oso eskertuta» agertu dira animatu izanagatik, eta, bestetik, jasotako lanen kalitatea nabarmendu dute.
«Euskal Herrian eta euskaraz asko, estilo ezberdinetan eta kalitatearekin ekoizten dela argi gelditu zaigu», ziurtatu dute. Paradisu Zinema musika bekaren bigarren edizioa izan da aurtengoa, eta sustatzaileek iragarri dute azkena izango dela.
Suscríbete los 2 primeros meses gratis
¿Ya eres suscriptor? Inicia sesión
Te puede interesar
Publicidad
Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación.
Si continúa navegando acepta su uso. ¿Permites el uso de tus datos privados de navegación en este sitio web?. Más información y cambio de configuración.
