Borrar
Süne, Zea Mays eta Crystal Fighters, Zeidfest jaialdiko hiru protagonista.
Süne, Dupla eta Ana Goitia batu dira apirilak 5eko kartelera
Zeidfest Gaztea jaialdia

Süne, Dupla eta Ana Goitia batu dira apirilak 5eko kartelera

Jaialdia 12:00etan hasiko da, bertaratzeko autobus-zerbitzua dago eta sarrerak jada salgai dira www.zeidfestgaztea.eus webgunean

Jon Agirre

Donostia

Jueves, 30 de enero 2025, 11:50

Süne, Dupla, Joselu Anaiak, Kai Nakai, Akerbeltz eta Ingot taldeak Zeidfest Gaztea jaialdiaren laugarren edizioan izango dira. Poliki-poliki apirilaren 5eko kartelaren informazioa xehatzen ari da antolakuntza eta argi dago euskal eszena musikaleko izen handiak protagonista izango direla. Izan ere, aipatutako taldeak aurrez iragarritako Zea Mays, Iseo & Dodosound, Isabel Aaiún, Crystal Fighters, Zilibito Records, Gregotechno, Betagarri eta Sorotan Bele gogoan (Mutrikuko Musika Bandaren eskutik) zuzenekoetara batuko dira.

BECen izango den egun osoko jaian zuzeneko musika emanaldiez haratago, publikoak saio bereziak ere izango ditu eskura, hala nola Atzo da bihar (Ken Zazpi-ren diskoaren erreprodukzioa saioa) eta Txanpon baten truke (Alaitz eta Maiderren abestien pintxada). Ana Goitia eta Eleder Magoaz gozatzeko aukera ere izango dute ikus-entzuleek.

Antolakuntzatik aurreratu dutenez ateak goizeko 11:00etan irekiko dira eta jaialdia 12:00etan hasiko dira. Sarrerak jada salgai dira www.zeidfestgaztea.eus webgunean eta aurreko urteetan bezala prezio ezberdinak izango dira adin-talde edo bonoen arabera. Hala, 0tik 5 urterako txikiek doako sarrera izango dute; 6tik 11 urterako txikiena 11,5 euroan; 12tik 15erako nerabeek 22,5 euroan; sarrera orokorra 39,5 euroan eskuratu ahalko da; eta, azkenik, kuadrilako bonoa (9+1) 35,55 euroan. Horiei guztiei kudeaketa gastuak gehitu beharko zaizkie: 1, 1'5, 2'92, 3'95 eta 3'55 euro hurrenez hurren.

Azkenik, mugikortasun murriztua duten pertsonentzat espazio egokitua izango da eta jaialdira bertaratzeko autobus-zerbitzua izango da hainbat irteera punturekin: Irun, Errenteria, Donostia, Zarautz, Tolosa, Beasain, Ordizia, Arrasate, Bergara, Azpeitia, Azkoitia, Eibar, Ermua, Durango, Iruñea, Altsasu eta Gasteiz. Informazio guztia webgunean dago eskuragai.

Publicidad

Publicidad

Publicidad

Publicidad

Esta funcionalidad es exclusiva para suscriptores.

Reporta un error en esta noticia

* Campos obligatorios

diariovasco Süne, Dupla eta Ana Goitia batu dira apirilak 5eko kartelera