Faborito argirik gabe Emakumeen Binakako Euskal Pentatloi Sariaren finalean

Emakumeen Binakako Euskal Pentatloi Sariaren finala jokatuko dute gaur, 18.00etatik aurrera Tolosako zezen plazan. Hiru bikote ariko dira: Karmele Gisasola 'Zelai III' eta Uxue Ansorregi, Garazi Arruti eta Lucia Orbe, eta Nerea Arruti eta Amalur Arbelaitz. Bost lan egin beharko dituzte: harrijasotzen, giza proban, ... aizkoran, txinga eramaten eta korrika. Harrijasotzeari dagokionez, 63 kiloko bola jaso beharko dute 20 aldiz, gutxienez bakoitzak 8 aldiz. Giza probarako 250 kiloko harriarekin bi plaza egin beharko dituzte eta aizkoran 45 ontzako bi egur moztu. Ondoren, txingekin sei plaza osatu beharko dituzte, eta amaitzeko bi kilometro korrika, hau da, 20 itzuli plazari.