500.000 euro nekazaritza, arrantza eta basogintzako produktuak kanpoan sustatzeko

Euskal Autonomia Erkidegoko (EAE) nekazaritza, arrantza eta basogintzako produktu eta elikagaiak erkidegotik kanpo sustatzeko 500.000 euroko diru-laguntza deialdia aurkeztu du Eusko Jaurlaritzak. Eskaerak egiteko epea bihar irekiko da eta hilabetekoa izango da.

Ekonomiaren Garapen, Jasangarritasun eta Ingurumen Sailak garatutako 'Lehiatu Sustapen' programaren barruan daude laguntzak, nekazaritzako elikagaien kate osoa eta haren kalitateko produktuak nazioarteko merkatuetan babesteko politika da. Helburu nagusia Euskadi elikaduraren eta gastronomiaren arloko nazioarteko erreferentziazko lurralde gisa sendotzea da.

Era berean, ardogintzako sektorea laguntza hauetatik kanpo geratzen dela adierazi dute, horiek beren laguntza bereziak izango baitituzte. Bihar hasiko direnak arrantzako produktuak, elikagaiak eta basogintzako produktuak eraldatzeko eta merkaturatzeko industriaren sektoreetako enpresei bideratuak daude.

Onuradun bakoitzak gehienez 10.000 euro eskura ditzake banako ekintzetarako eta 30.000 euro plan edo programa oso baterako, baldin eta planak edo programak gutxienez sei jarduera aurreikusten baditu hiru herrialdetan.

Diruz lagundu daitezkeen ekintzen artean daude azoketan eta zuzeneko zein alderantzizko misio komertzialetan parte hartzea edo bertaratzea, eta publizitate ekintzak eta sustapen eta zabalkunderako materialen lanketa. Ez ordea azoketan parte hartzeko.

• Temas
• País Vasco
• Zabalik