Belaskoenea eskolako ikasleen kolore anitzak

Azken hilabeteetan, gure ikasle guztiak Angelica Dass artistarengan inspiratutako eskola osoko proiektu bat eta bere argazki-lana 'Humanae' lantzen aritu dira. Angelica munduan zehar ibili da kolore desberdinetako larruekin argazkiak ateratzen. Bere erretratuetan, atzealdea tonu berdinean tindatuta dago, pixel lagin bat erabiliz, subjektuaren sudurretik hartua eta Pantone paleta industrialarekin parekatua. Mundu mailan herrialde askotan aurkeztu duen proiektu arrakastatsu honek ikaslegoan interesa piztu du.

Ikerketa prozesu bat egin ondoren, beste eskola batzuetan egindako proiektuak ere azaldu dira. Kasu horietan, marrazkien bitartez egindako autoerretratuak dira, atzealdea larruazalaren kolore berdinarekin margotuta. Informazio guztia edukita, Belaskoenean, gure larruazaleko koloreetan pentsatzen aritu gara, eta gure larruazal kolore berezi eta indibiduala identifikatzen aritu gara. Ondoren, beste eskoletan ez bezala, IKT-ak erabiltzea aproposa iruditu zaigu, horretarako, argazkiak atera ditugu eta ordenagailuaren bitartez Angelica Dass-en antzera, ikasle guztien koadroa osatu dugu.

Hemen, 26 argazki erakusten dira, kurtsoko ikasle guztienak hain zuzen ere. Banaka argazkiak ateratzen joan gara bularretik gora. Atzealdea editatu eta ezabatzea behar dugunez, Chroma teknika erabili behar izan dugu. Ikus-entzunezko teknika bat da, irudi edo bideo batetik kolore bat ateratzean datzana, beste irudi, bideo edo kolore batekin ordezkatzeko. Ondoren, aplikazio berezi batekin argazkiak moztu egin ditugu horrela atzealdea, sudurreko pixel batzuetako kolorearekin kopiatu ahal izateko.