Ibai-Ondo backyard erronka Usurbilen

Dena prest dute Usurbilen hurrengo astenburuan, hilaren 12 eta 13an, Ibai-Ondo backyard erronkarako. Euskadin egiten lehen aldia da eta Santuenea auzoan kokatzen da joan-etorriko ibilbide bakarra, 6,7056 kmko eta 20 mtr. desnibela duena. 116 lasterkariek, 96 gizonezko eta 20 emakumezkoek eman dute izena prest agertuz 60 minututan distantzi hroi betetzeko.

Ongi prestatutako kirolariek, fisikoki eta sikologikoki ere, zenbat eta aldi gehiagotan osatu behar dute ibilbidea proba irabazteko eta nork daki, 24 ordutan mila osatzeko edo gehiago. Backyard proba asmatu zuen amerikarrak hori hartu omen zuen kontutan eta dagoeneko Gipuzkoara ere iritsi da haren asmoa.

Sare sozialen bitartez eman zenean probaren deialdia berehla osatu omen zen partaideen zerrenda, Iñaki Goikoetxeak azaldu duenez Usurbilgo kultur etxean egindako prentsaurrekoan. «Apirilaren 12 eta 13an Usurbilgo Santuenea auzoan egingo den proba lehen backyarda izango da Euskadin eta hasiera batean, gure zalantzak izan bagenituen ere honen antolakuntzan salto egitea erablki genuen eta sekuleko arrakasta izan du partaideen aldetik eta baita ere, antolakuntzan Udala eta Ibai-Ondo elkarte eta bolondresen aldetik».

Kirol modalitate ezezaguna izatearekin lotutako zalantzak omen ziren hasierakoak Goikoetxeak aditzera eman duenez, «baina behin azalduta zertan datzan gauza aurrera joan zen eta interesa sortu zen deialdiarekin». Partaideek 6,7 kilometroko itzulia egiteko ordubete denbora izango du. Itzuli bakoitza aurreko itzulia hasi eta ordubetera (60 minutu) hasten da. Irteera abisua, irteera bakoitza baino 3, 2, eta minutu bat lehenago emango da. Parte hartzaile guztiek korralito barruan egon behar dute. Ezin da beranduago irten. Ibilbidean ez da laguntzailerik onartzen, esleitutako puntuetan bakarrik (arau honek deskalifikatutako parte-hartzaileak barne hartzen ditu). Boxak irekita egongo dira, laguntzaileak askatasunez sar daitezen.

Ezohikoa izan arren, irabazlea zirkuitua osatzen duen azken pertsona da. Hori bai, arauen arabera, azken parte hartzaileak ezin badu azken itzulia 60 minutuan bete, ez dago irabazlerik. Kontuan izan beharko dute partaideek ibilbidean ez dela laguntzailerik onartzen, esleitutako puntuetan bakarrik (arau honekdeskalifikatutako parte-hartzaileak barne hartzen ditu) eta gauerako, derrigorrezkoa da «frontal»-a. Goikoetxeak azaldu duenez «badira bost lasterkari esan dutenak 24 orduz aritzeko asmoa dutela. Irteera goizeko 08:00etan emango zaio probari hurrengo larunbatean eta ikusi egin beharko da zenbat irauten duen».

Usurbilgo 11 lagunek eman dute izena erronkan. Horiekin batera, Gipuzkoa (91) , Bizkaia (7), Errioxa (2), Leon (2), Asturias (1), Alcante (1) Araba (1), Burgos (1), Granada (1), Huesca (1), Frantzia (4),... izango dira mundu osoan ezaguna egin den erronkan. «Ilusio eta gogo handiz gaude antolatzaileak eta dena ondo joatea espero dugu», esan du Iñaki Goikoetxeak.

«Probak Santuenea, gure auzo eta herriaren izena mundu osoan ezaguna egin du Ibai-Ondo elkartearen izenarekin batera», nabarmendu du Agustin Esnaolak, Ibai-Ondo elkartearen lehendakariak. Hilaren 12 eta 13an kirola izango da nagusi bertan, baina bestelakoak ere prest dituzte auzotarrek antolatzaileekin batera. Bezperan, apirilaren 11n, ostirala, dortsalen bilketa egingo da arratsaldeko 18:00etatik 20:00etara Santueneako frontoian eta larunbatean goizeko 06:00etatik aurrera. Boxak apirilaren 12an, larunbata, goizeko 06:00etatik aurrera zabalduko dira.

Agustin Esnaolak azaldu duenez «auzoelkarteko lagunek beste bolondrasekin batera, denetara 50 lagun arituko direlarik, umeentzako ekitaldiak antolatu dituzte. Festatxo bat antolatu da auzoan asteburu osoan zehar».

Emozioa urduritsaunarekin nahasten da probaren antolakuntzari buruz hitz egiterakoan, «garrantzitasun handia duelako horrelako proba bat egitera gure auzoan eta ardura ere bai, dena ondo joan dadila nahi dugulako».

Kiroltasuna eta elkartasuna bat egiten dute hilaren 12 eta 13an USurbilden izango den backyard proba honen inguruan. Agurtzane Solaberrieta alkateak nabarmendu nahi izan du aurkezpenean «Usurbil eta usurbuildarrak prestatasuna herriaren ezaugarria bat da eta proba honetan ere hori nabarmen gelditu da auzolanean antolatu delako eta elkartasuna ardatz duelako». Izan ere, erronka aurrera eramateko antolakuntzan 50 algun elkartu diren bezala, «Caritaseko Aterpe zerbitzuarekin lankidetza bultzatu nahian, gutxienez 3 kg janari entregatzeko eskatzen da. Mota guztietako lekaleak (hobe kristalezko ontzian), kontserbetan (atuna, sardinak, …), olioa, kafe xigortua, marmelada, gurina, azukrea, arroza eta pasta. Horretarako, boxen gunean edukiontzi batzuk izango ditugu elikagai solidario hauek beran uzteko».

Bestalde, lasteriek jasoko duten sarien artean Togoko emakumeek egindako poltsak banatuko dira. «Horrela ere emakumeen presentzia nabarmendu nahi dugu eta Togoko emakumeen lana», azaldu du Esnaolak.

• Temas
• Huesca (Provincia)