Errenteria

Mozorroak, kalabazak eta giro ezin hobea Errenteriako Gau Beltza ospatzeko

Horren adibide izan zen Herriko Plazan bizi izandakoa, ehunka pertsona eskeletoak, mamuak eta kalabazak igarotzeko zain baitzeuden. Hara iritsitakoan, keak eta musikak plaza zeharkatu zuten, eta oso une polita sortu zen. Abestiak abestu ziren eta baita dantzatu ere.

Handik, Agirre Lehendakariaren plazara joan ziren denak, ibilbidea amaitzea aurreikusita zegoen lekura. Bertan, jaia zezensuzkoarekin amaitu zen, non txikienek asko gozatu zuten. Horrekin batera, beldurrak erre ziren Beldurren Eltzean eta kalabaza pastelak jan zituzten.

Orereta Ikastolarekin batera, hainbat eragile parte hartu zuten ospakizunean. Lau Haizetara euskaltzaleon topagunea, Amulleta danbor kofradia, Ereintza dantza-taldea, Herri Arte Eskola, Urdaburu Mendizale Elkartea, Xenpelar AEK euskaltegia eta Gaztañoko auzo elkartea alegia.

Berriro ere ospakizun hau arrakastatsua izan zen. Parte-hartzea zoragarria izan zen eta herriak oso ondo erantzun zuen. Izan ere, ibilbide hau ikusi zuen bizilagun oro gelditu egin zen hura miresteko eta zeuden mozorroak ikusteko. Ideia hori Orereta Ikastolak egiten du 2019tik, eta gogorarazten digu bertan ahaztu behar ez diren ospakizunak eta tradizioak ditugula.