Errenteria

Oiartzo Batxilergo Ikastola ezagutzeko ate irekiak egingo dituzte apirilean

Oiartzo Batxilergo Ikastolak familientzako ate irekien saioa antolatu du apirilaren 1ean arratsaldeko 17:30ean, batxilergo ikasketak egiteko aurrematrikula-epea ireki berritan (martxoaren 31tik apirilaren 11ra artekoa izango da azken hori).

Ikastola ezagutu eta zalantzak argitzeko saioa izango da. Ez da beharrezkoa aldez aurretik hitzordua hartzea. Oiartzok batxilergo modalitate nagusiak eskaintzen ditu, osteko edozein ikasketetarako sarbidea ahalbidetuz.

Horrez gain, Oiartzon ikasleek beren interesen arabera aukera ditzakete aukerako gaiak, modu guztiz askean. Oiartzoren hezkuntza-proiek-tuaren eta bestelako informazio praktikoaren gaineko xehetasun gehiago oiartzoikastola.eus webgunean topa daitezke.

Oiartzungo Haurtzaro eta Orereta Ikastolek 90. hamarkadaren amaieran jarri zuten mar-txan Oiartzo, bi ikastoletako ikasleei zein eskualdeko gazteei batxilergo euskalduna, hurbila, kalitatezkoa eta aukera zabalekoa eskaintzeko helburuz. Hau guztia Euskal Herriko Ikastolen Elkarteko kide izanik.