Txinalka Antzerki taldearen eskutik, 'Oh! Paris' antzezlana datorren asteburuan

Oiartzungo Txinalka Antzerki Taldea buru-belarri ari da lanean aurtengo denboraldian prestatu duen antzezlana aurkezteko eguna gerturatzen ari delako. Aurtengo antzezlanak, «Oh! Paris», umore puntu nabaria duela aurreratu du taldeak. Aurreko urteetan herritarren artean sortutako ikusmina dela eta, aurten bi saio egitea erabaki du herriko antzerki taldeak. Lehendabizikoa datorren larunbatean, hilak 21, eskainiko du arratsaldeko 20:00etan; bigarrena, igandean, 19:00etan. Biak ala biak udal areto nagusian izango dira.