Oiartzun
Gaueko Xorrola ere ibiliko da Arraguako festetan
Secciones
Servicios
Destacamos
Secciones
Servicios
Destacamos
Oiartzun
Gaueko Xorrola ere ibiliko da Arraguako festetanOstiralean hasi eta igandera bitarte ospatuko da Arraguako jaien bigarren asteburua. Azken hiru egunetarako utzi dute egitarau nagusia, eta ekintza mordoa egongo dira egunero. Festak gauean ere ez du etenik izango eta goizeko ordu txikitan itzuliko dira asko etxera, kontzertu eta DJak izango baitira.
Festaz gozatzera doazenei etxerako buelta errazteko gaueko Xorrola zerbitzua eskainiko du Udalak ostiraletik larunbatera. Bost aldiz emango dio autobusak buelta herri osoari. 01:00etan hasi eta 05:00ak bitarte, orduro lotuko ditu zortzi auzoak.
Xanistebanetako gauetan egiten duen ibilbidea egingo du, baina Arraguan hasita. Hauek dira geltokiak: Arragua, Lartzabal etxadiko geltokia (farmaziaren ondoan); Mendin, frontoi gaineko geltokia; Elizalde, biblioteka ondoko geltokia; Gurutze, Bizardia plazako autobus geltokia; Ergoien, Tornola kaleko autobus geltokia; Altzibar, Zokoloko zubia; Karrika, plazako autobus geltokia; Iturriotz, Beko soro pareko autobus geltokia; Ibarre, gasolindegiko geltokia; Elizalde, Pikabeneko geltokia; eta Ugaldetxo: Intxixu pareko autobus geltokia.
Ostiral gauean ibiliko da Xorrola, eta larunbatetik iganderako gauean Lurraldebusen gaueko autobus zerbitzua egongo dela gogorarazi du Udalak.
¿Ya eres suscriptor/a? Inicia sesión
Publicidad
Publicidad
Te puede interesar
Publicidad
Publicidad
Esta funcionalidad es exclusiva para suscriptores.
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.