Oiartzun

Gazte Izanak elkarteak antolatzen duen mus txapelketak baditu irabazleak

Joan den uztailaren 23an Xanistebanetako Mus Txapelketa ospatu zen Landetxeko lokalean eta Gazte Izanak elkarteak antolaturik. Adin guztietako jokalariak bildu ziren eta 16 bikotek parte hartu zuten lehia bizian.

Txapelketa «oso txukuna eta borrokatua» izan zen eta amieran hauek izan ziren garaileak: Ander Imaz eta Aitor Estefano, Unax Lanz eta Suhar Aristegi, Luis Odriozola eta Juantxo Labandibar eta Adrian Galdos eta Xabier Berra.

Sarien banaketa ofiziala abuztuaren 5ean izango da Landetxeko bolatokian Toka Txapelketako sariekin batera.

Xanistebanetan Gazte Izanakek antolatuko duen hurrengo ekintza abuztuak 5ean burutuko da Xanistebanetako Toka Txapelketa hain zuzen. Bertan parte hartzeko baldintzak 18 urte beteta izatea eta Oiartzunen bizitzea dira.

Izen ematea Landetxen egingo da abuztuaren 4 arte eta egunean bertan ere 11:00etatik 12:00etara, ordu hortan inskripzioa itxiko da.