Oiartzun

Hilaren 17an zozketatuko dituzte Altzibarko 12 etxebizitza tasatuak

Altzibarren eraikitzen ari diren 12 etxebizitza tasatuak eta hauei lotutako garaje eta trastelekuak esleitzeko zozketa egingo dute uztailaren 17an, 18:00etan, Landetxe Kultur Aretoan. Agerrealde inguruko bizitoki hauetarako 234 bizikidetza unitatek eman zuten izena eta 152 eskaera onartu dira, baldintza guztiak betetzen dituztelako. Eskaera eta alegazio guztiak ebatzita, datorren asteazken goizean egingo dute onartuen behin-betiko zerrendaren onartzeko ezohiko udalbatzarrean eta arratsaldean egingo da zozketa. Ekitaldi publikoa izango da.

Interesdun bakoitzak zenbaki bat izango du zehaztuta. Zenbaki horiek izango dira ontzian sartuko direnak. Bigarren ontzi batean etxebizitzen txartelak sartuko dituzte. Etxebizitza moten arabera egingo dituzte zozketak. Izaera iraunkorreko ezgaitasuna duten pertsonentzat egokitutakoa esleituko dute lehenbizi.

Hiru logelako bost bizilekuak zozketa egingo dute ondoren, lau kide ego gehiagoko zazpi bizikidetza unitateren artean. Ondoren, bi logelako sei etxebizitzak esleitzeko zozketa egingo da, 139 hautagairen artean.