Oiartzun

Joakina Artolak eta Domingo Elizondok urteak bete dituzte

Egun hauetan oiartzuarrak jaietan murgilduta ibili dira herriko festak ospatzen. Hala ere, izan dira ospakizun bereziak izan dituztenak eta batzuk oso bereziak gainera. Esaterako, 100 urte ditu Joakina Artola Aldayk, eta 98 Domingo Elizondo Lekuonak. Sasoi onean aurkitzen dira biak. Joana Mendiburu alkatea eta Olaia Lasa zinegotzia herriko emakume eta gizon helduenak bisitatzen egon ziren. Pozez jaso zituzten udal ordezkariek oparitutako garaikurra eta lore-sorta.