Oiartzun

Markos eta Bereziartua bikote oiartzuarrak finalerdiak jokatuko ditu larunbatean

Markos eta Bereziatuak osatzen duten bikoteak irabazi zuten oiartzuarren arteko partidu erabakiorra eta hirugarren mailako finalerdiak jokatuko dituzte EHko pala txapelketaren barruan Rekondo eta Udakiolaren aurka larunbatean, hilaren 25ean.

Beraien aurkariak, Arizmendi eta Arbelaitzek osaturiko beste bikote oiartzuarrak, partidu serio eta ona jokatu arren ezin izan zuten irabazi eta bi tantoz (25 eta 23) galdu zuten. Emozio eta oreka handiko partidua izan zen eta deitaileek erabaki zuten emaitza.

Asteburuan jokatu ziren beste bi partiduetan ere, oreka eta berdintasuna izan zen nagusi eta 25 eta 24ko tanteoak eman ziren. Aipatu finalak ekainaren 1 eta 2ko asteburuan jokatuko dira eta partidu orekatu eta joko handikoak espero dira.

Lehen mailan: Arrizabalaga - Lizarralde / Inda - Garbisu: 25-09 (final laurdenak).

Bigarren mailan: Errasti - Galarraga / Olabe- Olaizola: 25-24 (final laurdenak); Luixa - Etxeberria / Urrutia - Nuin: 24-25 (final laurdenak).

Hirugarren mailan: Markos - Bereziartua / Arizmendi - Arbelaitz: 25-23 (final laurdenak); Landa - Olazabal / Casillas - Elizegi: 25-13 (finalerdiak).

Emakumeen Txapelketan: Aizpuru - Rosa / Lopetegi - Karrera: 18-25 (final laurdenak).