Oiartzun

Oiartzun Irratiak programazio berria aurkeztuko du urtarrilaren 24an Landetxe Kultur Aretoan

Elena Viñas

Oiartzun

Sábado, 14 de diciembre 2024, 19:20 | Actualizado 19:43h.

Comenta

Abenduaren 12an, Oiartzun Irratiak Batzar Orokorra ospatu zuen udaletxeko pleno aretoan. Lehenbiziko aldia izan zen gisa horretako batzar irekia antolatzen zuela. Hogei lagun inguruk hartu zuten parte batzarrean: Oiartzun Irratiko entzuleak, irratsaioak egiten dituzten kolaboratzaileak, zuzendaritzako kide berriak eta langileak bildu ziren giro lasai eta atseginean.

Batzar Orokorraren helburua Oiartzun Irratiko komunitatea elkartzea zen eta kideekin 2024ean Oiartzun Irratiak aurrera emandako ekintzen berri ematea eta balantze ekonomikoa azaltzea. Honez gain, 2025eko egitasmoak eta aurrekontua partekatzea zuen xede bilerak.

Bukatzeko, 2025eko egitasmoak azaldu zituzten batzarrean, eta nabarmendu zuten, Oiartzun Irratiaren programazio berria, hasiko diren kolaboratzaileak, eta webgune berria aurkezteko 'Oiartzun Irratia GaLa' ospatuko dutela urtarrilaren 24ean, ostiralarekin Landetxeko auditorioan. Arratsaldeko 19:00etan izango da ekitaldi «irekia» eta doako gonbidapena eskuratu beharko da Landetxeko txarteldegian edota sarrerak.oiartzun.eus webgunean. Gehienez ordubeteko ekitaldia izango dela azaldu zuten.