Oiartzun

Udalak eta herriko eragileek dozenaka deialdi aurkeztu dituzte urte berriko lehen egunetarako

Urteko lehen hileko agenda ondu dute Udalak eta herriko eragileek. Dozenaka ekintza prestatu dituzte urtarrilerako. Neguko oporretan protagonismo berezia izango dute haurrentzat antolatutako deialdiek. Gainera, Elkartasun bertso aioa, dokumentalak, hitzaldiak, zine saioak eta beste hainbat ekimen izango dira.

Oiartzun Irratian ere deialdi berezia antolatu dute urtarrilaren 24an. Irratiaren 25 urteko ibilbidea ospatu eta urte berria indartsu hasteko, Oiartzun Irratia Ga-La ekitaldia antolatu dute. Zuzeneko irratsaio baten itxura izango duen ekimenean programazioa ezagutarazi, kolaboratzaileak eta webgune berria aurkeztu, musikarekin alaitu eta herritarrekin tarte atsegin bat pasa nahi dute. 19:00etan emango diote hasiera ospakizunari, eta lehiaketarako tartea ere izango da herriko establezimenduek eskainitako sari mundialekin. Gonbidapenak sarrerak.oiartzun.eus webgunean eskuratu daitezke.