Ez da aukera askorik behar

Non geratu da gola sartzeko hamaika aukera behar zituen Real hura? Valentzian bakarrarekin nahikoa izan zuen garaipena etxera ekartzeko; atzo atera joan ziren lehen lau jaurtiketekin hiru gol.

Bigarren zatira arte ez zen asko agertu japoniarra, baina aukera izan zuenean hortxe bere zigilua. Berriro ere haserretuko ditu bizilagunak. Kapitainak ere argi utzi zuen hauexek direla bere partiduak. Golak eskatzen genizkion? Hortxe hiru.

Athleticen jokalaririk arriskutsuena izaten ari da Williams txikia eta atzo Traorek ez zuen hura gelditzen asmatu. Zorionez anaia zaharrena ez zen ate aurrean hain fin ibili.

Pairaturiko lesio zailaren ostean, Kadunakoak pazientzia merezi duela zioen Imanolek, minutuak. Atzo berriro ere eman zizkion oriotarrak eta aurrekoetan baino hobexeago ikusi genuen. Asko falta zaio hala ere.