Ingurumen erronkak eta aurrerapenak Euskadin

Ingurumen kutsadura osasun globalarentzat mehatxu handiena dela kontuan izanik, neurriak hartzea beharrezkoa da. Euskadin, ingurumen arazoak hobetzeko, hala nola klima aldaketa, kutsadura eta biodibertsitatearen gelera, honako ekintza hauek egiten ari dira: ekoizpen ekologikoa sustatzea, ingurumen irizpideak politika sektorialetan sartzea, lehen sektorearen kudeaketa klima egoera berrietara egokitzea, besteak beste.

Euskadik aurrera egin du ingurumenaren babesean, eta hobekuntza nabarmenak egin ditu airearen kalitatean eta emisioen murrizketan, Ihobe sozietate publikoak egindako 'Ingurumen Egoera 2024an' txostenaren arabera. Halaber, airearen kalitatea hobetzeko, Eusko Jaurlaritzak 'Emisio Gutxiagoko Ibilgailuak' laguntza-programa aurkeztu du aurten. Programaren hasierako fasean, 2.000 turismo eta furgoneta ordezkatuko dituzte eraginkortasun handiagoa eta gutxiago kutsatzen duten beste batzuekin. Guztira, 24.000 tona CO2 baino gehiago isurtzea saihestuko da, 16.000 etxek ekoizten dituzten emisioen baliokidea.