Tolosako Inmakulada Lanbide Ikastola

Berrikuntzan, iraunkortasunean eta bikaintasunean oinarritutako Lanbide Heziketa

Etengabe aldatzen den mundu honetan, hezkuntzak gidatu behar du aldaketa. Tolosako Inmakulada berrikuntzaren, bikaintasunaren eta iraunkortasunaren erreferente da, eta etorkizuneko beharrei erantzuten dien hezkuntza-eskaintza malgua du.

Tolosako Inmakuladaren ikuspegia biharko erronkei aurre egiteko antolakuntza-eredu aurreratu eta adimentsu batean argi oinarritzen da, bikaintasuna, erantzuteko azkartasuna eta etorkizuneko profesionalen prestakuntza eraginkorra bermatuz.

SUHAR hezkuntza proiektuan oinarriturik, arlo pertsonala, profesionala eta soziala garatzen dituztw testuinguru malgu eta aberatsen bidez. Hezkuntza komunitatearen ongizatea lehentasun izanik, ingurune seguruak, inklusiboak eta motibatzaileak dituzte ardatz, non autozaintza- estrategiak garatzea den helburu. Ikasleen trebetasun teknikoak eta bizitzarako funtsezkoak diren gaitasunak sendotuko dituen irakaskuntzaren aldeko apustua egiten dute, etorkizuneko profesionalei edozein testuingurutan arrakastaz moldatzeko aukera emango diena trebetasun horien garapena izango baita.

Hezkuntza-ereduaren zutabe dituzte metodologia aktiboak, non ikasleek bere ikaskuntza-prozesuan rol protagonista duten, eta hezkuntza kooperatiboa. Errealitatearen egoera konplexuak gelaratzeko diziplina arteko ikuspegia bultzatzen dute, arazoei ikuspegi askotatik heltzeko aukera emanez, ikasleak ingurunearen eraldatzaile agente aktiboak izan daitezen. Eraldaketa digitaleko estrategiaren barne, azpiegitura aurrerakoiez hornitu dute ikastola, gela interaktiboa adibide gisa, hezkuntza-prozesua indartzeko eta eraginkortasuna hobetzeko. Erreferentziazko zentroa izateak jasangarritasunarekiko konpromiso sendoa ere eskatzen du. Aurrera doaz ekonomia zirkularra ezartzen, zentroaren ingurumen-inpaktua minimizatuz eta baliabideen kontsumo arduratsua sustatuz.

Tolosako Inmakulada ikastolaren xedea da ikasleen enplegagarritasuna eta laneratzea bermatzea, eta horretarako enpresen beharrei erantzuten diete, prestaketan ere inplikatuz. Ziklo guztietan aneratze tasa altuak mantendu dituzte, EAEko batazbestekoen gainetik.

lIkastolako ateak zabalik daude etorkizuneko beharretara egokitutako kalitatezko hezkuntza bilatzen dutenentzat. Eraldaketa honetan abangoardian daude, hezkuntzarekiko konpromisoa sendoa da, eta lanbide heziketako eskaintza indartzen jarraituko dute, ikasleak gizartearen eta lan merkatuaren beharrak betetzeko prest egon daitezen. «Hazi, hezi eta gozatu gurekin».