Jon Aramburu azpitxapeldun Euskadiko fitness txapelketan

Euskadiko Fitness txapelketa burutu berri da Gernikan. Open honetan kategoria ezberdinak egon dira eta Jon Aramburu izaldarrak bodyfitness-ekoan parte hartu zuen, bigarren postua lrotuz. Euskadiko azpitxapelduna, beraz. Gustora egoteko arrazoia zuen Jonek, nahiz eta ez irabazi.

Ezezaguna den fitness eta kulturismo mundu honetan bete betean sartuta egotea ikaragarrizko harrotasuna helarazten dio, honetan lehiatzea mundu zaila baita. 365 egun, 7 eguneko astean eta 24 orduko egunean dedikazio osoa behar izan ohi du. Ez da edonorentzako, entrenamentu, elikadura eta atsedena dira 3 faktore nagusi eta 3etan %100ean bete behar dira, gorputzeko aldaketa ikusi eta hobetzeko. Pazientzia izanez gero edozer gauza lortu ahal izatea dio Aramburuk.

Faktore hori guztien gain fitness edo kulturismo lehiaketa batean parte hartu eta lehiatzeko burua ondo eduki behar da psikologikoki. Kirol honetan ere, momentu txar eta onak pasa behar dira emaitzak lortzeko.

Hiru urte hauetan Aitor Alfonso Eibarko kulturistak Jonen prestaketa darama. Prestatzailea baino gehiago lagun handia dela dio eta orain dela gutxi dena irabazi duen arren, umiltasuna eta disziplina trasmititu eta irakatsi dizkio. Beti egongo da berari eskertuz lortu duen emaitzekin.

Azkenik, Jon Aramburuk, lerro hauen bidez animoa eta babesa eskertu nahi die lagun, ezagun, ezezagun, zein jarraitzale eta ez hain jarratzaile guztiei. Asko baloratzen duela edozein laguntza, txikia bada ere. Batez ere kuadrilla, herriko zein kanpoko lagunei.