Beasain

Bertso-afaria Arrano Kulturaren eskutik, datorren otsailaren 7an

Arrano Kulturak bertso-afari berezia antolatu du datorren otsailaren 7rako. 20:30ean hasiko den ekitaldian, bertsolaritzaren bi izar, Aner Euzkitze eta Amets Arzallus, arduratuko dira bertaratutakoen gozamenaz. Bertso-saio honek bertsozaletasuna eta giro aparta uztartuko ditu Arrano elkartean, otordu eder batekin batera.

Afari honetarako tiketak salgai daude dagoeneko Arrano tabernan. Prezioak bi tarte desberdinetan banatu dira: ikasleek eta langabetuek 15 euro ordaindu beharko dituzte, eta gainerakoek, berriz, 25 euro. Plazak mugatuak direnez, interesa dutenek ahalik eta azkarren erostea gomendatzen dute antolatzaileek.