Gau Beltzeko puska biltzean izena emateko azken eguna

Aurten ere Gau Beltza ospatzeko egitarau berezia antolatu dute Eltxo-kumeak guraso-elkarteak, Orendaingo gazte lokalak eta ludotekak. Ekintzetan herritar guztiak parte hartu dezakete haur, gazte, heldu zein adineko. Baldintza bakarra mozorrotuta parte hartzea izango da. Ostegun honetan, urriaren 31an, puska biltzea egingo dute iluntzean, kasko-gainean. Jasotakoarekin elkartean afaria egingo da ondoren. Parte hartu nahi dutenek https://forms.gle/Hk9iF91mx7mwEKxEA online galdetegia bete beharko dute, edota 656.777.305 teléfono zenbakira deitu. Afaltzera joan ez arren, bere etxetik pasatzea nahi dutenek ere izena eman beharko dute. Kasko-gainean bizi ez direnek, elkartera eraman beharko dute jatekoa.