Hego haizea, ehiz-postuak eta eskopetak prest; usoak falta

Urriaren erdialdera abiatu zuten aurtengo ehiz denboraldia ehiztariek. Karraztarro ehiz elkarteko lehendakari den Denis Perez Apaolazak, esan digunez, «aurtengo denboraldiak ere aurreko urtetakoen antza hartu du. Gu postuan zain eta usoak falta. Honez gain, etortzen direnen artean, uso banda asko altura handian pasatzen dira eta zaila zaigu botatzea. Espero dugu denboraldiaren bigarren zatiak beste itxura bat hartzea».

Honez gain, aurten estreinatu duten zozketa antolaketa berriari buruzko iritzia ere eman du. «Egunero egin ordez, astean bitan (astelehen eta ostiraletan) egitea, guztiontzat hobe dela uste dugu. Orokorrean, jendeak begi onez hartu du erabakia».